116_nupcies_pares

Númberu 116. Xineru 2015

El 12 del 12 ye la fecha más señalada na familia Álvarez Area. María y Aladino danse un besu. (P. FERNÁNDEZ)

NUPCIES A PARES

Los Álvarez Area festexen les sos bodes d’oru al empar que’l so fíu cumple 22 años de casáu

Xineru 2015 / Carreño

P. FERNÁNDEZ (Candás)

Nupcies a pares. María Area Diego y Aladino Álvarez Alonso celebraron les sos bodes d’oru’l 12 d’avientu. Esi mesmu día, el so fíu, Jorge Álvarez Area xunto a la so muyer, Patricia Alonso Blasco, cumplíen 22 años de casaos.

El festexu, per tolo alto, nel Llagar de Pola, onde axuntaron a tolos hermanos: nueve per parte d’ella y seis pela d’él, coles sos respectives pareyes. El momentu más emotivu llegó cuando un grupu d’Uviéu del estilu de «Los Panchos» cantaron boleros pa la pareya. «Hasta mi marido lloró», diz María.

La hestoria d’amor de los Álvarez Area cuayó nunes fiestes del Carmen en Lluanco cuando María tenía 15 años. «Fue un flechazo, el primer novio y el único que tuve», reconoz l’atleta. Añu y mediu dempués, contraxeron matrimoniu na ilesia de Santa María. Aladino tuvo qu’emprestar el serviciu militar en Tenerife y la so esposa nun duldó n’acompañalu a la islla. ¿El trucu del amor eternu? «Quererse, tener paciencia y respetar el espacio del otro. Yo con el atletismo y él con la pesca». Lo meyor d’esti mediu sieglu: «tener a nuestro hijo, que es un cielo».